GUDOOMIYAHA XISBIGA KULMIYE EE GOBOLKA AWDAL OO XABSIGA LA DHIGAY MAATA SABABO LA XIDHIIDHA ARIMAHII SAYLAC OO SI KULUL UGA HADLI JIRAY

Boorama(Lughaya) gudoomiyaha xisbiga Kulmiye ee Gobolka Awdal Muuse Carab Dugsiiye ayaa saaka xabsiga loo taxaabay waxaana warkaasi u xaqiijiyey shabakada wararka ee Lughaya Suldaan Abshir waxaanu yidhi “ H waa la xidhay waxaanan ku soo arkay saldhiga dhexe ee booliska laakiin ma garayo sobabta loo xidhay “
Wararku waxay intaasi ku darayaan in sobabta loo xidhay loo malayno in ay tahay mar uu si adag uga hadalay arintii saylac ee muranku ka taagnaa isla markaasina ay xukuumadu ka cago jiidaysay in aqoonsato maamulka cusub ee degmada Saylac .

waxana Muuse Carab dugsiiye lagu yaqaanay nin aanan u habran oo aan runta ka gabanin isaga oo si kulul u cambaarayn jiray habka siyaasadeed ee uu u dhaqmayey Muuse Biixi Axmed oo  mudoo yinkii ay socotay qadiyada Saylac dhinac saaray Beesha Djabouti ee Ciisaha .
Dhinaca kale warar ka ag dhaw masuulkani la xidhay ayaa sheegaya in xadhigiisani uu ka dambeeyey isaga oo looga shakiyey in uu ka mid yahay dadkii qaban qaabinayey munaasibad baroor diiq loogu samaynayo 4 February 1991 oo ahayd markii ay ciidamadii SNM soo galeen Gobolka Awdal

SULDAANKA GUUD EE BEELAHA MAXAMED CASE SULDAAN IBRAHIN JAAMAC SAMATER OO SI KULUL U NAQDIYEY SIYAASIYIINTA MUCAARADKA SOMALILND

Gabiley (lughayanews)-Suldaan Ibraahim Jaamac Samater oo kamid ah Madaxdhaqameedka Somaliland ayaa Siyaasiyiinta u dhashey dalka Somaliland ee Mucaaridka ku ah Xukuumada Madexweyne Siilaanyo uga digay in ay iska ilaaliyaan kana fogaadaan Waxyaabaha lafjabta ku ah Qaranimada Somaliland oo ay u tudhaan wixii Saameyn ku keenaya Mawaaqiifta Caalamku ka aaminsan yahey Somaliland.

Suldaan Ibraahim Jaamac Samater oo Shabakada Lughayanews ugu waramay Gudaha Magaalada Gabiley ayaa dhinaca kalena Sheegay in dalka Somaliland yahey amaan aaney Suurtagal aheyn in Dalalka Caalamku ka been sheegaan Amnigeeda iyo Xasiloonida ay Shacabkeedu ku caanamaaleen, Waxaanu Suldaanku xusey in Gudaha Dalka Somaliland ay joogaan ajaanib fara badan oo dalalka Dariska ka aaminsan Somaliland.

Isagoo Suldaan Ibraahim Jaamac Samater ka hadlaya waxa uu yidhi. “Hadeynaan Runta isku Sheegin inagu cid kale lagama yaabo in ay run inaga sheegto Waxaan anigu halkan dardaaran uga gudbinayaa Siyaasiyiinta Mucaaridka ah ee Siyaasada Xukuumada diidani waa inay iska ilaaliyaan wixii laf jab ku ah ee wax u dhimaya ee jabinaya Qaranimadeena iyo jiritaanka dalka Somaliland, waa in ay iska ilaaliyaan oo aanay cadhada iyo Mucaaridada xadka ka baxsan aanay ku dhaqmin Waayo waxaad adigoo cadhoonayo fariintaad gudbisi ayaa Saameyn inagu yeelan karta adigii Mucaaridadaadu Madexweyne Siilaanyo iyo Xukuumadiisa ka biyo diidsan inaad bad kale gasho, waxaan hadalkeyga kusoo koobayaa Hadaanu madax-dhaqameedkii iyo Salaadiinta nahey arintaa ka feejignaada oo iska ilaaliya ayaanu idin leenahay anagoon Xumaan uga jeedin.

Dalkeena Somaliland waa amaan oo waxey Shacbigeenu kusoo caanamaaleen nabedgelyada Somaliland waxa jooga ajaanib badan oo Shiine xataa kujiro, oo Somaliland ka jecel dalalka dariska”Ayuu yidhi Suldaan Ibraahim Jaamac Samater.

Suldaan Ibraahim Jaamac Samater oo kamid ah Salaadiinta Somaliland ayaa had iyo jeeraale ka hadla Xaaladaha jira ee inta badan markaa lasoo Gudboonaada dalka Somaliland.

Nimco Samriye oo La Sheegay Inay Ka Tegayso HCTV – oo Noqday Xarunta Qabyaalada iyo Kala Qaybinta Somaliland

HARGEYSA – Ilo lagu kalsoon yahay ayaa sheegay in Nimco Samriye iyo wariyayaal, farsamo yaqaano, iyo wariyayaal ka tirsan HCTV ay shirkada ugu hanjabeen inay ka dareerayaan hadii channelku uusan soo ceshan sharaftii iyo martabadii uu ku dhexlahaa wakaaladaha wararka afka Soomaaliga ku hadla.

DAAWO NUXURKA HADALADII MAAMULADA GABILAY IYO BORAMA OO AY KA MAQNAYD ARIMAHA NABADGALYADA

HALKAN KA DAAWO TALIYE XIGEENKA QAYBTA BOLISKA EE GOBOLKA AWDAL CISMAAN HARRY OO SI KULUL XUKUUMADA UGU EEDEEYEY HABKA CADAALADA

JAAMACADA EELO OO SOO GABAGABAYSAY TABABAR MUDO SEDEX CISHO AH SOCDAY

Daawo Maayerka degmada Lughaya oo kawaramaya xaalada dhabta ah ee degmada

Borama lughayanews. Maayarka magaalada lughaya Cabdilaahi Cali Awnuur oo socdaal kuyimid magaalada borama ayaa maanta shir jaraaid oo uu u qabtay saxaafada kaga xog waramay arimo dhawr ah oo ay ka mid yihiin waxbarashada ,

halkan ka daawo hadab vediogaasi